Agurra

Ongi etorri

Berriobeitiko Udala hamar herrik osatzen dute: Aitzoain/Aizoáin, Añezkar/ Añézcar, Artika/Artica, Ballariain, Berriobeiti, Berriogoiti/Berriosuso, Elkarte/ Elcarte, Larrageta/ Larragueta, Lotza/Loza eta Oteitza/Oteiza. Horiek guztiek Berriobeitiko udalerria osatzen dute eta horietako bakoitzak, gainerakoen aldean, beren nortasuna, kultura eta hiri-garapen desberdina du.

Biztanleriak hazten jarraitzen du (7.541 biztanle), Iruñetik gertu egoteagatik eta Artika herriko urbanizazio berriei esker: Artikaberri alde batetik eta, bestetik, Etxebakar, non datozen urteetan ia 1.500 etxebizitza berri eraikiko diren.

Webgune honen helburua Berriobeitiri zerbitzu hobea ematea da: herritarren eta Udalaren arteko harremanak eta informazioa hobetzeko kanal bat eskaintzea, non jendeak udal gaien egunerokotasunaren berri izan dezakeen, non jendeak parte ahal izanen duen iritziak emanez eta ekarpenak eginez, webgunearen hobekuntzan zein Udal hau osatzen dugun herri bakoitzeko herritarrei interesatzen zaien guztian parte hartuz.

Alkate hau oso harro dago udalerria ordezkatzeaz, eta Berriobeitiko herritarrekin duen konpromisoa egunero lan egitea da, konstantziaz, berdintasunez eta guztion onerako, guztiei entzunez, baita Udala osatzen duten 10 herrietako bakoitzari ere. Helburua, herritarren parte-hartzearekin batera, herritarrei garapena eta ongizatea ekartzeko lan egitea da, 10 herrien batasunaren alde, errespetuz eta berdintasunez.

Parte hartzera animatzen zaitut, guztion artean gure herriak hobetuko ditugulako.

Agur bero bat

Félix Remírez
Berriobeitiko alkatea
Volver arriba