Eskaeraren araberako garraio-zerbitzua

Zendeako hainbat herrik ez dute eskualdeko hiri garraio zerbitzua. Herri hauek dira: Ballariain, Elkarte, Oteitza, Añezkar, Larrageta eta Lotza. Gabezi honek eragindako arazoak arintze aldera, Udalak eskaeraren araberako garraio zerbitzua ezartzen du.

Ibilbide orokorrean, Berriozarren, Berriobeitin eta aipatu sei kontzejuetan daude geralekuak. Ez dago barne jendea Berriozartik Berriobeitira eramatea, ezta kontrako norabidean ere.

 

Ez da ibilbiderik zehaztu, ezta ordutegi zehatzik ere geralekuetan, horiek oro eskaeraren arabera aldatuko baitira.

Geralekuak eta Berriozartik abiatzeko orduak taula erantsian ageri dira.

Zerbitzua erreserbatze aldera, telefonoz deitu behar da gutxienez zerbitzua erabili baino ordu erdi lehenago, eta gehienez, 24 ordu lehenago.

Deitzen duenak adierazi beharko du Berriobeitiko eskaeraren araberako garraio-zerbitzuaren erabiltzailea dela eta, era berean, zerbitzua nondik nora erabiliko duen, datuokin batera:

  • Izen-abizenak.
  • Zenbat leku erreserbatu nahi dituen
  • Bilketa geralekua.
  • Zer geralekutara doan

 

Txartelen prezioa 1,5 € da buruko eta ibilbideko. Udalerrian erroldaturiko pertsona orok izanen du eskubidea txartelak Berriobeitiko Udaletxean erosteko.

Zerbitzua 14 urtetik gorako da eta 14 urtetik beherako pertsonentzat, heldu batekin. Kasu guztietan, adingabearen laguntzaile heldu edo tutorearen ardura izanen da babes-elementuak ezagutu eta behar bezala erabiltzea.

Kasuan kasuko geralekurako ezarri den orduan eta/edo denbora-tartean egon beharko du erabiltzaileak bilketa geralekuan. Garraioa iristean, erabiltzaile bakoitzak dagokion txartela eman beharko du; izan ere, txartelik ezean, ez du zerbitzua erabiltzerik izanen, eta gidariak ez du hartuko.

 

ORDUTEGIAK

Taxi-garraio ordutegiak

Sakatu irudian ordutegiak hobeki ikusteko

GERALEKUAK

Berriozar: taxi geltokia

Berriobeiti: kontzejuko frontoi ondoko aparkalekua

Ballariain: kontzeju-etxe ondoko arkupea

Elkarte:  kontzeju-etxe ondoko plaza

Oteitza: kontzeju-etxe ondoko plaza

Añezkar: kontzeju-etxeko sarrera

Larrageta: kontzejuko frontoia

Lotza: kontzeju-etxe aurreko plaza

 

ZERBITZUA ERRESERBATZEA

Deitu, gutxienez zerbitzua erabili baino ordu erdi lehenago, San Fermín Tele-Taxi Elkartera, 948232300 edo 948351335 telefonoetara

ZERBITZUAREN ERABILERA

Taxi-gidariari txartel bat eman beharko zaio erabiltzaile eta ibilbide bakoitzeko.

Txartelaren prezioa: 1,5 €

Txartel salmenta: Berriobeitiko Udaletxean

 

Volver arriba