Eszenan, Marcos magoak bere azken asmakizuna aurkezten du: A.M.P.A.R.O.: Asistente Mágico Personal de Audio y Respuestas Óptimas. Bozgorailu azkarra, ikuskizunean lagundu beharko lukeena. Arazoa da A.M.P.A.R.O.k nortasun propioa duela. Batzuetan berandu erantzuten du. Beste batzuetan, berriz, aginduak gaizki ulertzen ditu edo lanpetuegi dago.

Ikuskizuna egoera komikoen multzo bihurtzen da adimen artifizialarekin sorturiko eztabaida eta publikoarekin egindako jolas eta magia harrigarria dela medio. Izan ere, teknologiak ez du beti behar bezala funtzionatzen. Baina gauza bat segurua da: publikoak parte hartu eta barre egingo du, guztiak huts egiten duenean… magia baino ez zaigu geratzen eta.