Kale antzerkiko egitarau baten prestaketa lanetan ari da Udala Kontzejuekin elkarlanean. Asmoa arte eszenikoak Zendeako herriei hurbiltzea da, beti ere, osasun egoera dela eta, erakundeetako arduradunek normaltasun berria deitutako garairako ezartzen dituzten eskakizunei egokituko zaiolarik segurtasun neurriei eta aforoei dagokienez. Egitaraua udalaren hurrengo agendaren bitartez jakinaraziko da.