Larraitz Oses da Berriobeitiko Udaleko Kirola eta Gazteria Zerbitzu berriko teknikaria ekainaren 15etik.

Zerbitzuko jendaurreko ordutegia: astelehenetik ostiralera, 9:00etatik 14:00etara (948 30 31 29, deporteyjuventud@berrioplano.es).

Hauek dira Gazteria Zerbitzuko helburu orokorrak: gazteen parte-hartzea sustatzea eta gazteak arlo honetan heztea asoziazionismoaren eta boluntarioen lanaren bidez; espazioak, baliabideak eta zerbitzuak eskaintzea, herriko gazteen aisialdian euren arteko elkarguneak eta elkarrekintza bultzatzeko xedearekin; gazteei zuzendutako ekintzen diseinua, antolaketa, zabalpena, gauzatzea eta bultzatzea; eta gazteekin eta gazte-politiketan lanean ari diren eragileen arteko sare-lana (elkarlana eta kooperazioa) bultzatzea.

Kirol arloari dagokionez, helburu nagusia da aisiako kirolaren eta asti aldiko eskaintza hobetzea. Horretarako, instalazioak eta hiritarren hauetarako sarbidea hobetu eta aktibitateen eskaintza erakargarria, anitza eta bereizia sustatuko da.