Datorren igandean, urriaren 23an 19:00etan, La Gata Japonesa konpainiaren “Los viajes de Bowa” zirku garaikideko ikuskizunaz gozatzeko aukera izango dugu. Nafarroako Antzoki Sarearen Sendaberri (Paisaia Eszeniko Berriak) zikloaren gurean ospatuko den bigarren ikuskizuna da, Maria de Maeztu Kultur Etxean egingo dena.

Emanaldiaren ondoren, topaketa bat izango da artistarekin.

SINOPSIA: Bowak, nomada, sustrai eta ametsetako umezurtzak, egun batean botila bat aurkitu zuen itsas ertzean. Barruan mezu bat aurkitu zuen eta zerbaitek hartzailearen bilaketara bultzatu zuen. Bidea hain izan zen aberatsa non ia obsesio bihurtu baitzen. Mezu batek ekarri du leku honetara, eta han itsasora mezu bat bidali zuen norbaitekin topo egitea espero du, bueltan noiz iritsiko zain. Pertsona hori ez da agertuko, baina leku honek zerbait berezia dauka, zerbait familiarra, etxe bateko beroa bezain arraroa berarentzat. Eta mezu berri bat irakurriko du. Itsasoak idatzia, jakintsu zahar horrek, bere balentrien lekuko eta bere ausentzien jakitun. Itsasoak gidatu ditu bere urratsak haraino, leku horretan aurkituko dute Bowaren hegalek sustraiak ainguratzeko lurra.

KONPAINIAREN BIOGRAFIA LABURRA
Elena Vives. Doktore Jarduera Fisikoaren eta Kirolaren Zientzietan (UAH, Madril) eta Masterra Arte Eszenikoetan (URJC, Madril). 2005ean hasi zuen bere ibilbidea zirkuaren munduan. 2017an sortu zuen konpainia. La Gata Japonesa, Elena Vives eta Diego García zirkuko artistek, Laura Miralbés dantzariak eta Hugo Miró clown-ak osatua.
2018an Lumières Foraines ikuskizuna estreinatuko dute Leandre Riberaren zuzendaritzapean, eta 2021ean “Los Viajes de Bowa” pertsona bakarreko ikuskizuna, Elena Vives protagonista eta Lucas Escobedo zuzendari dituela.

TEASER: https://youtu.be/HhYLWqr-PkQ

Sarrerak eskuragarri daude esteka honetan edo leihatilan 16:00etatik 21:00etara astelehenetik ostiralera.