Jakin nahi baduzu nola berrituko den Usain Gozoen Parkea, zatoz bihar, abenduak 12, 17:00etan, Artigunera (Artika Berri), eta har ezazu parte parkea birmoldatzeari buruzko tailer publikoan.

Kontua da Paisatge enpresak diagnosia egin duela, bai eta parkea berritzeko proposamena ere, eta hori guztia azalduko dute. Pare bat hilabetez aritu dira azterlana egiten, eta teknikariek, politikariek, erakunde ofizialek eta partikularrek parte hartu dute. Era berean, aukera ona izanen da bakoitzak bere gogoetak eta ekarpenak egiteko; gero, ekarpen horiek baloratuko dira, eta bideragarriak izanez gero, parkea berritzeko proiektuan sartuko dira.

Tailerrak hiru zati izanen ditu: lehenean, Usain Gozoen Parkeari buruzko informazio orokorra aurkeztuko da, bai eta erabilerak antolatzeko proposamen berria ere; bigarrenean, parkea berritzeko proposamena landuko dute norbanakoek, bai eta taldeka ere, eta ekarpenak eta iradokizunak jasoko dira; eta hirugarrenean, ekarpenak eta balorazioak bateratuko dira.