Garbigune mugikorra, orain arte, Maiatzeko Plazako Amak kalean egon da, Eroskiren ondoan (lehenago, Caprabo), eta orain, berriz, María Domínguez kalearen oinezkoendako eremuan. Hondakin bereziak asteartean bilduko dira, 9:00etatik 14:00etara.

Hiper Eroskiko aparkalekuan, gainera, badago garbigune iraunkor bat.

Gogoratuko dugu zer eraman dezakegun garbigunera: plastikozko eta aluminiozko kafe-kapsulak; autoetako produktuak; etxeko beste hondakin batzuk, hala nola bonbillak, tresna elektrikoak eta elektronikoak, pilak, bateriak, sakelako telefonoak; etxeko olio erabilia, sendagaiak eta haien ontziak, erradiografiak; etxeko brikolaje hondarrak eta likido kutsagarriak.