Artikako Iturriko kalean obrak eginen dira abenduaren 20tik 27ra, eta horren ondorioz, une jakin batzuetan, mozketak izanen dira Kultur Etxearen parean. Zehazki, Udalak bi hormigoi-atal eta asfaltoa konpontzeko lanak eginen ditu, eta obra pribatu batek karrika ere ukituko du.

Lanen ondorioz, hiribusaren geralekua aldatuko da. Iruñerriko Mankomunitateak laster iragarriko du behin-behineko geralekua non paratuko den.

Bestalde, eta egunotan Musika Eskolan eginen diren kontzertuak direla eta, ibilgailua beste kale batzuetan aparkatzeko eskatu die Udalak kontzertuetara joateko asmoa dutenei, eta ez daitezela saiatu autoz iristen Kultur Etxeraino bertaraino.