Michel Pedroren argazkien bidez, une paregabeetan barneratzeko aukera izanen dugu. Izan ere, munduko hainbat txokotako haurrek beren eguneroko bizitzako atea irekiko digute. Argazkiak leku askotan atera dira, hala nola Sudanen, Myanmarren, Indian edota Botswanan. Benito Pajaresek Madagaskarko milaka haurrek bizi duten egoera latza hurbildu digu, haurrak lan esplotaziorantz bultzatzen baitituzte etxeko ekonomiari laguntzeko, ahalegin fisiko handiko lana eginez, hala nola harria xehatu, adreiluak gainean eraman eta ur bidoiak garraiatu. Beste egile batzuen argazkiak ere ageri dira, erakusketaren osagarri: Ana Palacios, Yeray Menendez, Jonathan Pisonero, Mar Guirao eta Lobolopezz. Madagaskarko haurren beste alderdi batzuk erakusten dizkigute, denetariko egoerak, betiere ilusioa eta itxaropena nekeen gainetik jarrita.