Euskararen Jaiaren hastapen moduan, ekitaldi berezi bat antolatu da aurten Artikaberri auzoan.

18:00etan, dantzarien topaketa bat egonen da, Artikako erraldoiekin lagundua. Lau dantza-talde arituko dira auzoko kaleetatik eta, bukaeran, dantzariak eta erraldoiek Artikaberriko plazan dantza eginen dute.

19:30etan Akiakule musika taldearekin, dantzaldia egonen da Artikaberriko plazan. Hain zuzen ere, Akiakule taldeak plaza animazioa egiten du, publikoa dantzan jartzeko helburuarekin.