Artista izan nahi zuten. Autolaguntza liburu bat irakurri zuten. Esperientziarik izan ez arren, beraiengan konfiantza izatea erabaki zuten. Autoestimu gaindosi horren emaitza da PANOLI KABARETA. Zirku edota vodevil-aren historian ez dira oroituak izango, baina behintzat barre batzuk botako ditugu.”

PANOLI KABARETA publiko guztiarentzat eta keinu bidezko (testurik gabe) clown ikuskizuna da. Bi pertsonaien ahalegina atsegin izateko, zirkuko parodia bihurtuta. Magia, vodevila edo akrobaziak elkarri eskua ematen diote porroten popurri batean eta arrakastaren batean (garaiz kanpo, hori bai).